【龔水故事】「吵架的偽術」（1）粵語版
最近劇情陷入吵架——和好的惡性循環，這讓包括我在內的眾多龔水黨都深受刺激，於是我有了靈感。論龔水如何在「吵架」中成长和發糖。開頭改編自EP775「弊傢伙，玩大咗」。
第一部分，龔水鬧交？到底原因是什麼呢？大家一定要細心耐心地看下去哦~
初戀cafe
接龍風流四子又飯聚，四人都點了海南雞飯，龔燁讓豪仔留一份給若水，被告知最後四份已經在桌上。
Andy趁機調侃，「哎呀，咁點算啊，不如你唔好食，將份飯留翻俾你個女皇Mary囉！」
Peter唯恐天下不亂，「係啊，你知啦，你個野蠻女友簡直係巴辣港女嚟嘅，冇道理講嘅喎，俾佢知道你有得食佢冇得食？實鏟你上天花板跌翻落嚟再鏟上天花板啊！」
Ivan也附和「你哋做乜咁講嗻，慘得過阿龔鐘意啊，一個願打一個願捱，佢女奴嚟噶嘛」
龔燁不高興了，「你哋做咩無端端咁講佢啊，仲有邊個話我女奴噶！」
「唔係邊個話你，而係你根本就係，你哋近排成日鬧交，有邊次唔係你好似哈巴狗咁佢氹翻佢噶」
「仲要唔超過三日嗰種喎」
「哈哈哈哈哈哈哈哈哈哈」花生三友無視龔燁無語地眼神，笑個不停。
「好囉喎！媽呢空要溫柔都睇對象啦，對住你哋幾個，好難囉」龔燁辯解。
「咁你夠唔夠膽賭下，你輸咗就請我哋去fun君club」
「誒，好喎，嗱，我呢度有本超勁爆嘅淮山紀子珍藏絕版寫真，阿龔你攞去Mary面前逐頁逐頁掀，如果佢唔嬲就當你贏」Andy出了個餿主意。
「好，咁我就攞支82年嘅嚹隙出嚟送俾你，啊，仲有你之前話車位上面漏水個問題我都即刻幫你搞掂佢！」
「啾，我先冇你哋咁無聊啊」龔燁不想理他們，也不想拿感情事來做賭注。
「算喇，一人退一步，如果Mary嬲咗，事後唔係你氹翻佢，而係佢嚟主動求和嘅，都算你贏點話喇」Peter見龔燁不為所動，又改了條件。
「我睇你係唔敢啩，畢竟你個女皇大人管得你咁嚴，你咁怕佢」Ivan想用激將法。
龔燁剛想拒絕，卻收到了條短訊，猶豫了下，「怕你哋啊，好，賭咪賭囉！」
此時若水坐到尋寶圖一桌，發現他們沒有點菜，發了脾氣，嚇得一桌人全到前台去點單。
龔燁拿著那本寫真坐到若水身旁，花生三友則坐到附近的桌子盯著，防止他犯規。他小心翼翼地安撫了若水，怯怯地打開那本寫真，想讓若水跟他一起「眼睛食冰淇淋」，若水看到淮山紀子，簡直是火上澆油，拍桌子問他今天發什麼神經在自己面前看這些東西，龔燁趁機挨到她耳邊神不知鬼不覺地跟她說了什麼，若水卻更火大了，看到在另一桌的花生三友，直接去質問他們，「講！你哋四隻嘢係咪喺度玩啲咩輸賭咁嘅嘢！佢求先認咗啦，你哋仲賭啲咩？！」
若水的氣場有強大的震懾作用，沒義氣的Andy馬上就把所有東西如盤托出，完全沒有理會一旁瘋狂打手勢的龔燁。
若水聽了之後氣得扇了龔燁一巴，「你個死賤精，家陣係咪好得閒？你由得佢哋貶低我就算啦，仲攞我哋嘅感情嚟玩哈話？你唔好食蕉連皮喇，你榴蓮連殼食啦！」說完就氣沖沖地離去。
「嘩，好痛啊！洗唔洗咁啊！」龔燁捂著自己的臉無奈地坐下。
「點啊，阿龔，唔即刻跑出去追翻你個媽呢空嘅」
「唔好理佢，由佢走！佢再嬲都唔應該大庭廣眾一巴刮過來啩！我都有火噶！」
「嘩，少有喎，唔通你今次真係chur到底？」Ivan調侃道。
「誒，呢啲關乎男人尊嚴嘅問題，啲女人就係恃寵生嬌嘅，你越著緊佢，佢就越得戚，係要俾啲懲罰佢先啱！」Andy繼續火上加油。
「講得啱！阿龔你今次咁有骨氣，如果你撐得到底，我哋加碼又點話？你之前話搵唔到嗰套音樂劇嘅飛，包喺我身上」
「咁我都加，你話部腦做嘢慢，我私人幫你upgrade個系統！」
花生三友看熱鬧不嫌事大，又在一邊添油加醋。
「多謝兄弟先！佢當眾打我一巴啊，今次我肯定唔會妥協噶喇！唔講喇，冇胃口食，去個廁所，順便睇下塊面點樣」龔燁氣沖沖地捂著臉離開。
接龍天台
「媽呢空」龔燁到了天台就發現她在邊緣上吹著風。
「龔燁，點啊，佢哋係咪信到十足十啊？」
「梗係，我哋咁樣吵法，你仲打咗我一巴，我又嬲爆爆咁，想唔信都好難啦」
若水盯著龔燁的臉，幫他檢查，「點啊，痛唔痛？」
他牽上她撫摸自己臉的手，「唔痛，我叫得你刮就自然識避噶啦，而且你就住力噶嘛。只係冇諗到咁樣反而激到佢哋加碼添喎！」說完還得意地挑了挑眉。
「哈哈，等佢哋話我野蠻巴辣港女，話你係哈巴狗啊吶！我記得噶，之前仲搞咩敢死隊話要搵死士啃咗我，宜家又成日搞三搞四，咁衰格，懲罰下佢哋都好！」
「咁接落嚟你有咩計劃啊？佢哋嘅條件係要我同你撐到底喎」
「咁我哋咪假吵交幾日，到時你同佢地講話我哋好翻都得嘅嗻，佢哋輸曬俾你咯，咪唔敢再搞三搞四囉！」
「哈？我仲以為你有詳細嘅全盤計劃，乜你覺得咁講會有說服力咩？」
她被他問倒，「總之見步行步啦，呢幾日我哋就好好上演我哋嘅吵交戲！等我打俾阿爸先」
「你打俾你爸做咩啊？」
「叫佢今晚唔好煮你飯囉，我哋做戲做全套啊！」
「咁嗻係要全世界都覺得我哋係喺度吵緊交啊？咪好似變翻未公開之前嘅地下情咁鬼鬼祟祟？」
「咁先唔會穿煲啊！佢哋三個咁鐘意賭咯，我就等佢哋輸鋪傑嘅！」
所以說真是不要隨便得罪女人，兄弟仨自求多福吧，不過媽呢空真是跟得我多，手段越來越像我了呢！那就乾脆全力配合她把好戲演到底好了，誰讓生活這麼無聊，這三個自動送上門呢，正好添一絲樂趣。
熊家
熊家人圍在餐桌前吃晚飯。
「 嘩，阿爸你煮咁多餸我哋食唔曬啊」
「問你二家姐囉，本來預埋阿龔嘅，失驚無神就打電話嚟話唔俾佢上嚟食飯喎，都唔知做乜」
「唉阿哥，可以做得乜啊，除咗嗌交咪仲係嗌交囉！今日初戀cafe有人鬧交鬧到六國大封相咁啊，阿水仲刮咗人哋一巴添！」
「二妹啊，做乜又同阿龔嗌交啊？你吵就算啦，仲打人嘅？都話咗兩個人喺埋一齊要互相理解，互相遷就咯，轉頭你哋又嗌交仲打起身啊？」
「計我話，兩個人一齊最緊要開開心心，好似我同baby咁，我哋都冇幾何吵交嘅，你哋就唔係，近排好似貼錯門神咁，成日吵，都唔知喺埋一齊係為咗對方開心定激心」
若水一直沒說話，只是聽著他們的訓話，自己則不停地夾菜，吃飯。她用最快的速度吃完，扔下一句「我食飽啦，好悶，出去行下」就背起包包出門，留下一桌子人面面相覷。
龔燁apartment
難得可以享受空閒時間的龔燁聽著音樂，喝著酒，卻聽到門鈴聲。
「媽呢空？你唔係翻屋企食飯咩，點解你會嚟嘅？」
「我食完飯仲早，呢排你咁忙我哋都冇咩時間一齊，你又話你得閒咯，咁我咪偷偷祟過嚟囉」
他想按停音樂，準備點開她想看的電影，卻被她阻止，「我唔係想嚟同你睇戲，我哋傾下計？」
他感到意外，「你想傾咩啊？」
「啱先食飯嘅時候，佢哋話我哋做咩又嗌交，仲話我哋近排好似貼錯門神咁，一直吵」
「Peter佢哋都係咁講喎，近排我哋又真係好似唔知點解成日吵交。不過點都好啦，吵交都係一種比較激烈嘅討論方式嚟嘅嗻，兩個人一齊需要不斷磨合，有啲拗撬好正常嘅」
她挽住他的手，沉默了。
「做咩啊？唔開心？人哋點講咪由得佢哋囉，唔洗咁在意喎」
「唔係啊，其實我嚟嘅時候諗咗好耐，佢哋講得啱噶，兩個人喺埋一齊係想對方開心，唔係想兩個人激心。但係呢排我成日發你脾氣，搞到唔開心，我有反省過，有陣時我又真係顧住自己點諗，忽略咗你嘅感受，對唔住啊」
撥弄她頭髮的手停住了，這番話讓他有些愕然，頓了頓，「其實要講 sorry嗰個係我，兩個人一齊最緊要係坦白，我知我成日都收埋收埋啲嘢喺心，有咩唔開心又唔直接同你講，轉彎抹角咁，搞到你唔知我諗緊咩，先會有咁多誤會」
「一個巴掌打唔嚮，我知我都有錯啊」
「其實係溝通嘅問題，媽呢空啊，我以後會注意直接啲，坦白啲，唔會要你估估下咁冇安全感」
她輕輕靠上他肩頭，「咁我都會控制下我啲臭脾氣，多啲體諒下你」
「其實兩個人喺埋一齊，除咗互相陪伴之外，仲要有足夠嘅了解，而呢樣嘢往往建立喺我哋少咗嘅溝通上。不如咁啦，以後我哋訓覺前打電話除咗傾劇情，再互相share下今日嘅日常，有啲咩開心嘅唔開心嘅都攞出嚟講？」
「好啊，你以後有咩問題，記得攤開嚟同我講啊」
「知啦，你都係，有咩就直接問我，唔好自己亂諗嘢」
話畢，他突然側身抱緊她，她一怔，「做咩啊」
「俾我攬下，我哋好耐冇咁，好掛住你」他閉上眼，感受屬於她的氣息。
她把手放到他頸後摟著他，沒有再說話，過了一會兒，他耳邊傳來她吸鼻子的聲音，他輕聲問道，「做咩啊，唔舒服？」
「唔係，好似好耐冇聽到你咁講啦」不是油腔滑調哄她的好話，而是不加修飾地表達思念，讓她想起未公開前某個他給自己送早餐的早上，他也是這麼說話，自己也是這麼抱住他，兩個人享受著沒有紛擾的時光，這種感覺，久違了。
他捋了捋她的秀髮，又摸摸她的臉，親上她的額頭、鼻尖、臉頰，最後把吻落在她唇上，很是溫柔，她也學著他的吻忘我地回應他，良久，兩人稍微鬆開，帶著微喘額頭相貼，相視一笑，他又重新把她摟入懷中。
「夜喇，我送你翻去好冇？」
「嗯」雖然應聲了，但她卻窩在他懷裡沒有動。
怎麼像個小孩子一樣賴著？他玩心一起，突然將她打橫抱起，嚇得她下意識箍住他脖子保持平衡，「啊！你做咩啊！」
「有隻懶豬賴咗喺我度喎，咁我只好抱走佢囉」
「喂！你唔係諗住咁樣抱我落樓哈話？」被人看見好丟臉啊！
他卻答非所問，「你好似輕咗，呢排瘦咗啊」
「真係嘅？」她竊喜。
「真係，不過仲係有啲肉好啲，唔準再瘦喇，而且你再瘦可能連唔該瘦嘅地方都瘦埋~」他說著就賊兮兮地向她胸前瞟去。
原來是為了眼睛吃冰淇淋！她氣得晃起腿想踢他，他卻早料到有這麼一招，抱著她晃來晃去，嚇得她大叫，雙手緊緊地箍住他的脖子攀著他，防止自己真的掉下去。
「好喇，唔同你玩啦，真係要翻去啦，唔係佢哋會擔心你噶！」
「咁你放我落嚟先啦！抱咗咁耐你唔攰咩」
「唔攰，抱得起你就唔會放低」
突如其來的情話，讓她有點錯愕，不是上一秒還在鬧著玩的麼？把臉埋進他胸膛，「你咪下巴輕輕，係至好講」，軟綿綿的語氣，自己都沒發現是在撒嬌。
熊家樓下
待龔燁停好車，若水解開安全帶。
「我自己翻上去得喇，費事穿煲啊」
「咁你上到去send個massage俾我」
「嗯，夜喇，你都快啲翻去，早唞啦~」若水準備打開車門。
「喂，你漏咗嘢啊大頭蝦！」
聞言，她又回過頭尋找，「漏咗咩啊？冇啊，手袋喺度啊」
他趁她湊過來檢查，在她唇上偷得一吻，笑得燦爛， 「男朋友嘅goodnight kiss，媽小姐，goodnight~」
她才意識到原來是被耍了，嬌嗔道，「死賤精！」，打開車門，又狠狠關上。
他看著她急著跑走的背影，心情大好。
评论(3)